| Scenic Railways Wales UK |
 |
|
Featured Article
|
| Eryri-Rhwng
y Graig a'r Tonnau gan
Dylan Iorwerth |
 Mae'n
Mae yna un ardal sy'n crynhoi holl amrywiaeth Cymru - yr harddwch a'r gweithgareddau, y caledi a'r rhamant, yr hanes a'r diwylliant. Ac yn Eryri, mae popeth o fewn ychydig filltiroedd cyfleus...
Ers canrifoedd, mae ymwelwyr wedi heidio i Eryri. Cyn bod sôn am ddiwydiant twristiaeth, roedd y mynyddoedd a'r môr yn cael eu cymharu gyda harddwch yr Alpau a glannau'r Môr Canoldir.
Mae'n hawdd deall pam. O fewn llai na hanner awr fe allwch fod yn gwlychu eich traed ar draeth hirfelyn Dinas Dinlle ac wedyn yn gwisgo sgidiau cadarn i gerdded hyd lwybrau'r Carneddau neu Grib Nantlle.
I
Does dim rhaid teithio ymhell chwaith i ddod ar draws rhyfeddodau dyn - o fawredd cestyll y Normaniaid i ddewrder balch Dolwyddelan neu Ddolbadarn lle mae un twr yn herio'r elfennau gyda Chwarel Dinorwig ar un ochr a'r Wyddfa ei hun ar y llall.
Heb fod ymhell o'r ddau le hwnnw, mae enghreifftiau o'r ffordd y mae hen ryfeddodau'n cael eu haddasu at bwrpas newydd. Mae chwareli yn Llanberis a Blaenau Ffestiniog erbyn hyn yn atyniadau o bwys ac mae hen ffyrdd y chwarelwyr yn creu rhwydwaith o lwybrau gwerth chweil ar hyd ac ar led yr ardal.
I lawr at Ben Llyn, fe welwch chi'r un gymysgedd o gymeriad yr hen yn plethu i hwylustod y newydd gyda thraethau ac aberoedd sy'n nef am nofio a chwaraeon dwr. Does dim fel gweld hwyl wen yn trolli yn erbyn y machlud gyda dirgelwch Ynys Enlli yn gysgod llawn cyfaredd y tu cefn.
A dyna goron Eryri - y diwylliant Cymraeg bywiog ar un ochr a'r cyfoeth rhyfeddol o fywyd gwyllt ar ei daear a dan y don. Dyna oedd yn denu'r trafaelwyr hynny gannoedd o flynyddoedd yn ôl ac mae'n dal i wneud hynny heddiw.
|
Associated Features
Through the Heart of Wales
Two Fantastic Journeys on Just One Ticket!
My Escape to the Cambrian Coast
Snowdon Sherpa'r Wyddfa
The Flexible Travelling Companion
|
|
|
|
|
© Wales.info 2008.
Business Cluster Marketing Systems Limited.
Registered in Wales and England No. 6185399. VAT reg. no. (TBA) |
